domingo, 16 de julho de 2017

Luto



Di um forma geral nta defendé manisfestasan cultural, desd kul ka ta “feri” ninguém, ma por motivos pessoais ntem stad ta refleti tcheu sobre luto, principalment pa peso e significad ku inda al tem na cultura cabo-verdiana.

Será k kel kestan de cor de ropa  ka ta fazé dor ser mas pesado inda? Um pessoa enluta ta abri maleta pa panha ropa pal besti al tem ku decidi sil ta bisti preto por “obrigasan” ou vermelho ku pode fazel sinti como sil traí algum kusa ou algum alguém (afinal besti vermelho ta bai contra kel kul ensinado desd de sempre). Tudo dia na momento di besti, para além lembra si perda al tem ku debaté ku si consiciência e as ves ku si questan financeira també (case al ka tené ropa poi luto).

Na alguns casos, pessoas ku luto ka podé obi música, canta e badja nem se fala. Em principio, maioria de pessoas ka ta xinti nem vontade pa comé conta mais pa badja, mas si música ta alegra alguém pamode kum pessoa k caba de perdé um alguém muto importante na si vida  e sta sofré profundamente ka podé busca console na música? Ka podé procura si forma de expresa luto?

Paula Ribeiro